Gibag-o sa House prosecution panel ang assignment sa pipila ka miyembro niini alang sa gipaabot nga pagsugod sa impeachment trial batok kang Bise Presidente Sara Duterte.
Sumala sa Justice Committee chair ug lead prosecutor nga si Gerville Luistro, dili na siya magsilbing lider sa team nga modumala sa pipila ka mga reklamo nga gisang-at batok kang VP Sara.
Inay, mag-focus na lang siya sa iyang papel isip lead prosecutor.
Tungod niini, si Manila Representative Joel Chua ang mangulo sa team nga modumala o motutok sa reklamo bahin sa anomalosong paggamit sa confidential ug intelligence funds.
Samtang, si Bukidnon Representative Keith Flores ang mangu sa article bahin sa giingong bribery o panghiphip nga nahitabo sa dihang ang bise presidente mao pa ang kalihim sa Department of Education.
Sa pagkakaron, sumala ni Luistro, gitun-an sa mga prosecutor ang tanang isyu nga naglibot sa matag article of impeachment, lakip ang regular nga mga miting ug workshop.
Nagpahigayon usab ang mga abogado og mock proceedings alang sa matag article of impeachment.
Samtang, ang 10 ka adlaw nga deadline nga gihatag sa kampo ni VP Sara aron pagtubag sa mga alegasyon nga anaa sa kaso sa impeachment batok kaniya gilauman nga matapos sa sunod semana.
