Mitaliwan sa edad nga 80-anyos ang Oscar-winning editor sa orihinal nga pelikula sa Star Wars nga si Marcia Lucas.
Nakasal si Lucas sa creator sa Star Wars nga si George Lucas sa panahon nga gihimo ang unang bahin sa tulo ka sumpay nga pelikula.
Gibutyag sa iyang pamilya nga si Lucas namatay gumikan sa metastatic cancer sulod sa iyang puloy-anan sa Rancho Mirage, California.
Naangkon niya ang Academy Award alang sa Best Film Editing para sa “Star Wars: A New Hope” niadtong tuig 1977.
Natawo isip Marcia Griffin sa Modesto, California niadtong 1945, gisugdan niya ang iyang propesyon isip usa ka film librarian sa wala pa siya nailhan isip usa sa labing gitahod nga mga editor sa Hollywood.
Nag-edit usab siya sa mga pelikula sa direktor nga si Martin Scorsese, sama sa “Alice Doesn’t Live Here Anymore,” “Taxi Driver,” ug “New York, New York.”
Mibalik siya sa pagtrabaho sa Star Wars franchise alang sa “The Empire Strikes Back” niadtong 1980 ug “Return of the Jedi” niadtong 1983.
