Hingpit na nga na-turn over ang hosting sa sunod nga palaro ngadto sa Quezon City kansa gidawat ni Mayor Maria Josefina ‘Joy’ Tanya Belmonte.
Kini dungan sa pormal nga pagtak-op sa Palarong Pambansa 2026 sa pagpanguna ni Department of Education kon DepEd Secretary Juan Edgardo ‘Sonny’ Angara uban sa mga tag-as nga opisyal sa probinsyal nga panggamhanan sa Agusan del Sur, kauban nila Governor Santiago Cane Jr, Vice Governor Patricia Anne Plaza ug Congressmen Alfelito “Alfie” Bascug ug Eddiebong Plaza.
Sumala sa mayor, ang katapusang pag-host sa siyudad niadto pang 1966. Gipahayag usab ni Belmonte ang iyang garbo sa dato nga kasaysayan sa Quezon City sa natad sa isports, lakip na ang pag-host sa mga dagkong away sa mga boxing legend nga sila si Muhammad Ali ug Manny Pacquiao, ug mga tinahud nga atleta sama nila ni Alex Eala nga gikan usab sa siyudad.
Wala mawala ang traditional rites nga mao ang pagpa-ubos sa bandila sa Pilipinas apil na sa Department of Education kon DepEd ug sa Palarong Pambansa ug ang pagpalong na sa Unity Cauldron.
Gipasidunggan ang mga teams nga aduna’y tag-as nga performances kon kadtong nasulod sa Top 5 regions nga nanguna sa medal tally.
Diin gideklarang overall champion sulod na sa 19 ka mga tuig ang National Capital Region kon NCR human nanguna sa final and official overall medal tally.
