Milingkod isip bag-ong Chairman sa Senate Blue Ribbon Committee si Erwin Tulfo human sa reorganisasyon sa Senado, diin siya ang mohulip kang Pia Cayetano, kinsa kaniadto nangulo sa komite.
Ang Senate Blue Ribbon Committee usa sa mga nag-unang komite sa Senado nga nagpahigayon og mga imbestigasyon sa mga butang nga may kalabotan sa gobyerno ug paggamit sa pondo sa publiko.
Samtang nanawagan usab kini sa pipila ka mga kaubang senador nga wala pa moapil sa ilang grupo nga magkahiusa alang sa mas lapad nga interes sa nasud.
Sumala ni Tulfo, ang ilang han-ay abli sa mga gusto moapil ug andam sila nga modawat sa bisan kinsa nga gusto nga mokooperar.
Gihimakak usab niini ang mga pasangil nga ang pagtungha ni kanhi Senate President Francis “Chiz” Escudero sa sesyon sa Senado, usa ka kompromiso o kasabutan.
Gikanayon niini nga ang mga espekulasyon nga ang presensya ni Escudero usa ka kompromiso taliwala sa mga isyu ug tensyon nga giatubang sa Senado dili tinuod.
Gihimakak usab sa senador ang mga pasangil nga ang Malacañang daw nanghilabot aron masiguro ang presensya ni Escudero sa sesyon.
