Naglunsad og imbestigasyon ang mga awtoridad human sa pagkadiskubre sa usa ka fetus sa tawo sulod sa usa ka comfort room sa Carbon Public Market niadtong Miyerkules, Hunyo 10.
Ang mga emergency responder ug mga personahe gikan sa Cebu City Disaster Risk Reduction and Management Office (CCDRRMCO) gipadala sa lugar aron masiguro ang seguridad sa lugar ug makuha ang mga patayng lawas. Wala pa’y gipagawas nga dugang nga impormasyon ang mga opisyal.
Ang maong puya gibanabana nga 7 ngadto sa 8 ka buwan.
Basi sa inisyal nga impormasyon gikan sa mga opisyal sa barangay, nagkanayon nga usa ka mabdos nga babaye ang giingong misulod sa usa ka CR cubicle sa wala pa makit-i ang fetus sa basurahan. Bisan pa, kini wala pa makumpirma ug gipailalom sa imbestigasyon.
Sumala usab sa mga saksi ug usa ka security guard nga nag-duty, nagbutyag nga paingon unta sa pansayan ang usa ka manindahay og utanon dihang nadani sa pagtan-aw sa plastic bag, busa iya kining giablihan ug nakurat dihang nakita ang fetus sulod sa plastik.
Hinungdan nga dali kining gipahibalo sa mga tinugyanan sa Barangay Ermita, kinsa mao usab ang nagpahibawo sa kapulisan.
