Mitaliwan na si Princess Bajrakitiyabha sa Thailand human sa kapin tulo ka tuig nga pagka-koma.
Gipahibalo sa palasyo ang kalit nga kamatayon sa 47-anyos nga prinsesa.
Niadtong Disyembre 2022, kalit lang kining natumba samtang nag-ehersisyo uban sa iyang iro, ug gi-diagnose sa mga doktor nga adunay impeksyon sa mycoplasma sa iyang kasingkasing.
Si Princess Bajrakitiyabha mao ang kamagulangan sa pito ka mga anak ni King Vajiralongkorn.
Natawo niadtong Disyembre 7, 1978, nakasulod siya sa natad sa abogasiya ug nagkupot og duha ka post-graduate degree gikan sa Cornell University sa Estados Unidos.
Sa wala pa mobalik sa iyang nasod aron magtrabaho sa Attorney-General’s office , nag-alagad usab siya sulod sa pipila ka panahon sa Thai mission sa United Nations didto sa New York.
