Catriona Gray, nagpaambit og mensahe sa paglaum sa Ika-128 nga adlaw sa kagawasan

Nagpaambit og mensahe si Miss Universe 2018 Catriona Gray isip pagsaulog sa ika-128 nga Adlaw sa Kagawasan sa Pilipinas niadtong Biyernes, Hunyo 12.

Sa usa ka post, gipahayag ni Gray ang iyang lalom nga gugma sa nasod taliwala sa mga hagit ug problema nga giatubang niini.

Gani, gipasalig sa beauty queen nga gipili gihapon niya nga higugmaon ang Pilipinas tungod kay nagtuo siya nga aduna pa kini kahigayonan nga molambo isip usa ka nasod.

Gipaambit usab ni Gray ang iyang pangandoy alang sa usa ka kaugmaon diin ang tinuod nga kagawasan masinati sa tanang Pilipino, ug dili lang basta saulogon matag Adlaw sa Kagawasan.

Natapos ang iyang mensahe sa usa ka panawagan nga magpabilin nga malaumon bisan pa sa mga pagsulay nga gisagubang sa nasod.