Parehong mipasiugda sila si President Ferdinand Marcos Jr. ug German President Frank-Walter Steinmeieir nga ang duha ka nasud mopalig-on pa sa ilang relasyon sa mga importanteng sektor lakip na ang depensa, pagtukod og kalinaw, kooperasyon sa kadagatan, pamatigayon ug pamuhunan, sa Malacañan Martes, Hunyo 16, alang sa usa ka opisyal nga pagbisita.
Ang duha ka lider mihimo sa ilang pasalig atol sa usa ka bilateral meeting nga gipahigayon karong adlawa sa Palasyo sa Malacañang.
Kung diin, gihisgutan nila ni President Marcos ug President Steinmeier ang mga lakang batok sa pagbag-o sa klima, ang pagpalambo sa renewable energy, ug ang pagpalig-on sa mga people-to-people exchanges.
Gawas sa mga bilateral nga kasabutan, ang duha ka lider magbayloay usab og mga panan-aw sa mga isyu sa rehiyon ug sa tibuok kalibutan.
Sumala ni President Marcos, kini nga pagbisita makasaysayanon tungod kay kini ang unang higayon nga ang usa ka Presidente sa Alemanya mibisita sa Pilipinas human sa 63 ka tuig.
Ang katapusang pagbisita sa usa ka lider sa Alemanya niadtong 1963 sa panahon ni kanhi Presidente Heinrich Lubke.
