Gatchalian, opisyal nga napili isip bag-ong Senate President

Opisyal ug pormal nang milingkod si Senador Sherwin “Win” Gatchalian isip Senate President human makuha ang hiniusang boto o unanimous vote sa iyang mga kauban atubangan sa Senate Special Session karong adlawa, Hunyo 17, 2026.

Walay bisan usa ka senador ang mipakita og pagsupak sa dihang giablihan ang nominasyon sa plenaryo nga gitambongan sa 13 ka mga senador, lakip na sila si Senador Francis “Chiz” Escudero ug Senador Joel Villanueva.

Dugang pa niini, mibarog ug miunong usab kaniya sa entablado samtang naggunit sa Bibliya ang duha pa ka mga kanhi Senate President nga sila si Senador Chiz Escudero ug Senador Juan Miguel “Migz” Zubiri, isip timaan sa hapsay nga transisyon sa gahom.

Sa iyang acceptance speech, nagpasalamat si Gatchalian sa iyang mga kaubang senador sa pagsalig nga gihatag kaniya taliwala sa nagpadayong politikanhong tensyon sa gobyerno.

Gisaad ni Gatchalian nga iyang ipatigbabaw ang usa ka “independente apan daling pamaagi” nga Senado, ug iyang unahon ang pagpasar sa mga priority bills, dungan sa pagseguro nga mapanalipdan ang integridad sa institusyon batok sa mga internal nga kagubot.