Gipahibalo sa Estados Unidos nga gitangtang na niini ang naval blockade batok sa Iran human ang duha ka nasud mipirma og kasabutan nga nagtumong sa pagpakunhod sa tensyon sa Middle East.
Sumala sa US Central Command, gihimo kini subay sa direktiba ni U.S. President Donald Trump, nga misangpot usab sa pag-abli pag-usab sa Strait of Hormuz, usa ka mahinungdanong ruta sa internasyonal nga pagbaligya sa lana ug uban pang mga produkto.
Ubos sa kasabutan, mopahunong ang Estados Unidos sa mga operasyong militar kon motuman ang Iran sa mga kondisyon lakip na ang pagguba sa enriched uranium stockpile ug paghunong sa pagpondo sa mga armadong grupo nga kaalyado niini sa rehiyon.
Bisan pa sa kasabutan, nagpabilin ang pagduhaduha ni Iranian Supreme Leader Mojtaba Khamenei, bisan gitugotan niya kini human makadawat og mga pasalig gikan ni Iranian President Masoud Pezeshkian.
Samtang, gilauman ni Trump nga tumanon sa tanang partido ang ceasefire aron mapadayon ang mga panagsultihanay alang sa kalinaw.
Gisuportahan usab ni Israeli Prime Minister Benjamin Netanyahu ang kasabutan, bisan adunay pipila ka opisyal sa iyang gabinete nga misupak niini.
