Milunsad ang Ukraine og usa ka lapad nga pag-atake sa kahanginan o air-strike batok sa Russia, diin kapin sa 200 ka mga drone ang malampusong nakaigo sa nagkadaiyang target sa palibot sa kapital sa Moscow.
Kini na ang giila nga labing grabe ug pinakadakong airstrike nga gihimo sa Ukraine sulod sa halos upat ka tuig nga gubat tali sa duha ka nasod.
Sumala sa report, nakaangol og 17 ka tawo ang maong pag-atake sa Moscow.
Sa laing bahin, naigo usab ang usa ka oil depot sa habagatang bahin sa Rostov, nga mikalas sa kinabuhi sa usa ka indibidwal.
Bisan pa man niini, ang Russian defense ministry niingon nga malampuson nilang na-intercept o napakgang sa ilang defense system ang hapit 1,000 ka mga Ukrainian drone ug upat ka mga cruise missile.
Gipahayag ni Ukranian Presidente Volodymyr Zelensky nga ang maong lakang gihimo isip dinalian nga balos sa ngilngig nga pag-atake nga gilusad sa Russia sa miaging semana.
