Gibutyag ni Senador Risa Hontiveros nga andam siya nga modagan pagka-presidente sa 2028 National Elections kon siya ang mapili nga standard-bearer sa iyang grupo sa politika.
Bisan pa, giklaro usab niini sa senador nga ang ilang grupo sa katapusan mosuporta gihapon kung bisan kinsa nga mogawas gikan sa mga survey ug Internal discussion isip labing lig-on nga kandidato alang sa pagka-presidente.
Matud usab ni Senadora Risa Hontiveros nga mas nahimong produktibo o “very productive” na karon ang kahimtang sa Senado human naporma pagbalik ang 13 ka miyembro sa Majority Bloc.
Sigon niini, nga tungod sa mga kalamboan, mas makatukod na sila og mas lig-on nga focus sa paghisgot ug pagpasa sa mga mahinungdanong balaod isip kabahin sa ilang mandato ngadto sa katawhan.
Dugang ni Hontiveros, malaumon gihapon ang Majority Bloc nga mapalig-on pa ang ilang han-ay ug madugangan ang ihap sa mga miyembro aron hingpit nga ma-stabilize ang operasyon sa Senado.
Samtang, giawhag usab ni Hontiveros ang gobyerno nga ipadayon ug palapdan ang mga outreach programs, ilabi na alang sa mga minority groups ug kabus nga mga pamilya.
Matud niya, importante kini nga lakang aron masiguro nga walay sektor sa katilingban ang mabiyaan sa mga programa sa gobyerno ug aron mapalambo ang inklusibong pag-uswag ug malinawon nga komunidad.
Dugang sa senadora, mahinungdanon nga masiguro nga walay sektor nga mabiyaan sa mga programa sa gobyerno, ilabi na kadtong nagtinguha sa inklusibong pag-uswag ug pagpasiugda sa malinawon nga katilingban.
Gipasalamatan usab ni Hontiveros ang nagkadaiyang inisyatibo nga gipatuman sa lain-laing lugar alang sa pagpalig-on sa peace and order.
Sulod sa miaging 13 ka adlaw, iyang namatikdan ang positibong kalamboan sa implementasyon sa mga programa may kalabotan sa seguridad ug kaayohan sa mga komunidad.
Naglaum ang senadora nga magpadayon ang maong mga paningkamot aron mas mapalig-on ang relasyon tali sa gobyerno ug lokal nga mga komunidad, nga iyang giila nga yawe sa malungtarong kalinaw ug kalig-on sa katilingban.
