Naka-alerto ang Philippine National Police (PNP) sa posibleng epekto sa Bagyong Francisco samtang gipanglantawan kini nga mahimong super typhoon.
Matud ni PNP chief Gen. Jose Melencio Nartatez Jr., nga ang mga unit sa pulisya sa lugar nagpatuman sa mga protocol sa pagtubag sa katalagman ug nakig-alayon sa mga lokal nga awtoridad alang sa dali nga pagtubag o aksyon aron masiguro ang kaluwasan sa mga tawo.
Sumala sa hepe sa PNP, ang kapulisan magpadayon sa pakigtambayayong sa mga lokal nga gobyerno alang sa posible nga pre-emptive evacuations ug uban pang mga pagpangandam aron masiguro ang kaluwasan sa mga anaa sa mga apektadong komunidad.
Dugang usab niini base sa forecast sa state weather bureau, bisan kung ang bagyo wala gilauman nga mo-landfall, mahimo kini nga mokusog sa southwest monsoon, nga mahimong hinungdan sa kusog nga ulan.
