Giktakdang mopagawas og pre-trial order sa kaso sa impeachment batok kang Bise Presidente Sara Duterte sa Lunes, Hunyo 29 ang impeachment court sa Senado.
Sumala ni Senate impeachment court clerk Renato Bantug Jr., nagsugod na sila sa pag-draft sa pre-trial order ug si Senate President Sherwin Gatchalian nagpagawas na og advisory memorandum sa mga senador bahin sa pag-isyu sa pre-trial order sa sunod semana.
Gipahibalo usab ni Bantug nga ang mga kawani sa impeachment court magtrabaho niini hangtod sa katapusan sa semana aron ang pre-trial order ma-isyu sa Lunes.
Ang pre-trial order magsilbing giya o ‘roadmap’ para sa impeachment trial ni VP Sara diin ang mga posisyon sa House prosecution panel ug sa defense team ikonsiderar kung bahin sa mga kamatuoran, mga saksi, ug mga petsa sa trial nga may kalabotan sa kaso.
Ang duha ka partido hatagan una og mga kopya sa dokumento hangtod sa Miyerkules, Hulyo 1 aron ipagawas ang ilang tagsatagsa ka komento.
Gipasalig ni Bantug nga ang tanan mahuman sa dili pa magsugod ang impeachment trial batok kang VP Sara sa Hulyo 6.
