Maglunsad ang National Bureau of Investigation sa Central Visayas (NBI-7) og usa ka school safety information drive karong buwana.
Subay niini, eksklusibong nahinabi sa Bombo Radyo Cebu si Maria Contessa Lastimoso, ang tigpamaba sa NBI-CEVRO, ug iyang gipasabot nga ang maong safety drive nga ilusad dili limatado lamang sa usa ka online safety.
Kini, matod pa niya, usa ka maglakip sa active shooter drill ug malakip kini sa mga nag-unang isyu nga pagahisgutan atol sa safety drive.
Dugang ni Lastimoso, una na nga pagabuhaton mao ang orientation, diin i-edukar ang mga estudyante, mga miyembro sa faculty, mga ginikanan, ug mga kawani sa eskwelahan aron edukahon sila bahin sa cybersecurity, responsableng online behavior, ug seguridad sa kampus, ug ingun man kung unsaon pagprotektar sa ilahang kaugalingon.
Samtang, gikanayon usab ni Lastimoso, nga buot nila nga lapad ug ubay-ubay nga mga tunghaan sa Central Visayas ang matagaan og prayoridad sa maong lakang sa NBI ilabi, apan sa karon, unahon usa nila ang mga tunghaan dinhi sa Sugbo nga adunay dako nga populasyon sama sa Abellana ug sa Bulacao.
Hinuon, matod niya, aduna nay mga pribadong tunghaan nga ni-reach out na bisan sa wala pato nahitabo ang shooting incident sa San Jose NHS, Tacloban, alang sa ilahang pinaka-unang roll-out, nagmugna na og module ang usa ka agent nga expert na sa seguridad.
Hinungdan nga i-implementar na kini sa usa ka pribadong tunghaan sa Dakbayan sa Sugbo sunod semana, Hunyo 10.
