Listahan sa unang batch sa mga pelikula sa MMFF, gipagawas na

Gipagawas na ang listahan sa unang batch sa mga pelikula nga moapil sa Metro Manila Film Festival (MMFF) 2026.

Gipangulohan kini sa pelikulang “The Greatest Showdown” nga gibidahan nila ni Vice Ganda ug Vic Sotto.

Apil usab ang fantasy drama nga “Amir” nga gibidahan nila ni Dennis Trillo, Will Ashley, Glaiza De Castro ug child star nga si Argus Aspiras.

Napili na usab ang pelikulang “2nd Miracle In Cell No. 7” nga gibidahan ni Aga Muhlach.

Ang katapusang pelikula nga gilakip sa unang batch mao ang “Haunted Carnival” nga gibidahan nila ni John Arcilla, Julia Barretto ug Maricel Soriano.

Samtang, ang ikaduhang batch sa maong mga pelikula ipahibalo sa Oktubre.

Ang Mandaluyong, San Juan ug Bacolod napili nga mga host cities para sa MMFF 2026.