Nagpakita og managlahing kondisyon sa kalidad sa hangin (air quality) ang tibuok Metro Cebu subay sa pinakabag-ong datos nga nakuha sa alas-8:00 karong buntaga.
Sa CAAQMS–Talisay Station, ang natala nga PM2.5 levels anaa sa klasipikasyon nga FAIR o kasarangan lang, diin kini adunay konsentrasyon nga 27.9 µg/m³ ( micrograms per cubic meter) ug Air Quality Index (AQI) nga 65. Sa pikas bahin, wala una’y nakuha nga datos alang sa PM10 monitoring niini nga estasyon tungod kay kasamtangan pang gipaubos sa pagmentinar ang mga kahimanan.
Sa CAAQMS–TVI Station, anaa sa klasipikasyon nga GOOD o maayo ang kalidad sa hangin alang sa PM2.5 levels nga adunay konsentrasyon nga 6.1 µg/m³ ( micrograms per cubic meter)ug AQI nga 12. Ang PM10 levels sa maong dapit nakasulod usab sa GOOD nga klasipikasyon human natala ang konsentrasyon nga 18 µg/m³ ug AQI nga 16.
Ubos sa kasamtangang kahimtang sa panahon, ang temperatura sa Metro Cebu anaa sa 31°C samtang ang hangin adunay kakusgon nga 6.79 m/s nga nagpadpad gikan sa habagatan-kasadpan paingon sa amihanang-sidlakan. Padayon nga nag-monitor ang Environmental Management Bureau (EMB) sa kalidad sa hangin ug magpagawas ra og dugang pahibalo kung gikinahanglan.
