Gatusan ka mga pasahero ug mga kargamento ang kasamtangang na-stranded sa nagkalain-laing pantalan sa nasod tungod sa dili maayong dagan sa panahon, sumala sa maritime safety advisory nga gipagawas sa Philippine Coast Guard (PCG) gabii, Hulyo 10, 2026.
Sa kinatibuk-an, moabot sa 957 ka mga pasahero, truck drivers, ug cargo helpers ang natanggong sa 62 ka mga pantalan.
Apil usab sa mga na-stranded ang 242 ka rolling cargoes (mga sakyanan), 13 ka barko, ug 33 ka motorbanca.
Ania ang ihap sa mga na-stranded matag rehiyon:
Southern Tagalog: 316 ka pasahero ug 10 ka rolling cargoes.
Western Visayas: 261 ka pasahero ug 95 ka rolling cargoes.
BARMM (Bongao Pier): 130 ka pasahero ug 1 ka barko.
Central Visayas: 94 ka pasahero, 97 ka rolling cargoes, 6 ka barko, ug 30 ka motorbanca.
Bicol Region: 92 ka pasahero, 11 ka rolling cargoes, 2 ka barko, ug 3 ka motorbanca.
Palawan: 64 ka pasahero ug 4 ka barko.
Southern Visayas & North Eastern Luzon: 9 ka rolling cargoes ug 14 ka motorbanca.
Gawas sa mga na-stranded, aduna usab 168 ka mga barko ug 154 ka mga motorbanca ang dinalian nga gipasilong (sheltered) sa PCG aron malikayan ang peligro sa kadagatan.
