Nagpasidaan ang Department of Energy (DOE) niadtong Biyernes nga lauman ang dako nga pagsaka sa presyo sa petrolyo sa mosunod nga semana tungod sa panagbangi sa Estados Unidos ug Iran sa Strait of Hormuz taliwala sa nagpadayong gubat sa Middle East.
Matod ni DOE Director Rino Abad, ang mosunod mao ang banabana nga usbaw sa presyo kada litro:
Gasolina: P3 hangtod P4 nga saka
Diesel: P10 hangtod P11 nga saka
Kerosene: P11 hangtod P12 nga saka
Gisiguro ni Abad nga dako ang tsansa nga madayon kini nga mga umento diin mamahimo nga mosaka sa P80 kada litro. Gilauman nga moaboy sa P82 hangtod P85 kada litro ang kasarangang presyo, samtang ang ubang dapit nga aduna nay daan nga taas nga presyo mamahimong mas motaas ngadto sa P88 hangtod P90 kada litro.
Tungod niini, nagtuon na ang Land Transportation Franchising and Regulatory Board (LTFRB) alang sa bag-ong hugna sa fuel subsidy ug fair increase, samtang nagpaabot pa usab og direksyon sa polisiya ug base sa pundo nga anaa kanila.
