Gisentensiyahan sa korte og hangtod sa 15 ka tuig nga pagkabilanggo ang amahan sa usa ka teenager nga responsable sa mass shooting sa usa ka batan-ong high school sa Georgia, U.S.A niadtong 2024 nga nakapatay ug upat ka tawo.
Si Colin Gray, 55, napamatud-an nga sad-an ug napamatud-an nga nihatag sa iyang anak nga si Colt Gray ang pusil nga gigamit sa insidente.
Matod sa Barrow County Superior Court judge, si Colt Gray, 16, gisentensiyahan og tibuok kinabuhi nga pagkabilanggo nga walay parole niadtong Martes tungod sa school shooting niadtong 2024. Duha ka adlaw ang milabay, ang samang huwes nagsentensiya sa iyang 55-anyos nga amahan, si Colin Gray, og mas ubos pa kay sa 80 ka tuig nga gipangayo sa mga piskal.
Matud pa ni Judge Nicholas Primm nga samtang mapasaylo pa ang kasakit nga gipahinabo sa insidente ngadto sa mga biktima ug sa ilang mga pamilya, gikinahanglan gihapon nga ibulag ang responsibilidad sa amahan sa krimen nga nahimo sa iyang anak.
Giisip kini nga unang higayon sa Georgia nga ang usa ka ginikanan gipasakaan og second-degree murder tungod sa mass shooting nga gihimo sa iyang anak.
Matod sa mga piskal, aduna nay mga timailhan nga adunay giingong bayolenteng kinaiya ang anak bisan sa wala pa ang pagpamusil apan wala kini hatagi og igong aksyon sa iyang mga ginikanan.
Ang mga piskal sa Estados Unidos padayong migamit sa maong legal nga mga lakang aron patubagon ang mga ginikanan nga mapamatud-an nga wala magtagad sa pagmatuto sa ilang mga anak, ilabi na sa paggamit og armas, isip kabahin sa pagsulbad sa nagkagrabeng insidente sa pagpamusil sa eskwelahan sa nasud.
