Bisan pa man og nagkapuliki og translate ngadto sa pinulungang Filipino aron lang maklaro ang testimonya ni Gina Acosta, pasensyuso gihapon ang gipakita ni House private prosecutor Virgil Ligutan aron lang iyang ma-establisar ang mga grounds sa pagtawag niya ni Acosta nga hostile witness sa impeachment complaint batok kang Vice President Sara Duterte.
Kini gumikan sa rasong dili matud pa kini witness sa prosekusyon sa pagsugod sa day 16 sa maong pagdungog, ilabina nga mao kini ang kasamtangang Vice Presidential Staff Officer VI sa Office of the Vice President.
Giklaro usab ni Atty Ligutan nga nagsilbi si Acosta nga special disbursing officer sa OVP niadtong tuig 2022 hangtud 2023 – ang trabaho nga gipadayon matud pa niini human nagsilbing SDO sa confidential fund niadtong mayor pa sa Davao City si VP Sara sa tuig 2019 hangtud 2022.
Sa wala pa magsugod ang direktang pag-eksamin ni Atty. Ligutan kang Gina Acosta, giklaro usab niini nga dili sila magkaaway.
Matod ni Ligutan, wala sila sa Senado isip mga kontra, kundili aron matino ug mahibal-an ang kamatuoran.
