Parehong gipasidunggan isip Best Actress in a Leading Role sa Cinemalaya karong tuiga sila si Pokwang ug Ruby Ruiz.
Si Pokwang, kansang tinuod nga ngalan mao si Marietta Subong, nakadaog tungod sa iyang maayo nga pagpasundayag sa pelikulang “Two Valid IDs,” samtang si Ruby Ruiz gipasidunggan alang sa iyang performance sa “Status: Rejected.”
Sa iyang acceptance speech, gipasalamatan ni Pokwang ang iyang mga ginikanan, ang tibuok Cinemalaya team, ug ang mga naghimo sa Two Valid IDs.
Nagpasalamat usab siya sa mga tumatan-aw sa ilang padayon nga pagsuporta sa mga pelikulang Pilipino bisan pa sa mga kalisdanan sa kinabuhi.
Naghatag usab siya og mensahe sa paglaum alang sa mga gitawag niya nga “Sylvias” ug sa tanang Pilipino.
Samtang, miingon si Ruby nga dako og kahulugan alang kaniya ang Balanghay trophy, tungod kay nagsimbolo kini sa kakugi ug paningkamot sa mga filmmaker ug artista.
Gawas sa Best Actress award, nakadaog usab ang Two Valid IDs sa Audience Choice Award ug Special Jury Prize.
Samtang, ang Status: Rejected nakadawat sa NETPAC Jury Award.
