Gibutyag ni Reality Sayson Tabernero, Faculty sa Political and Social Sciences sa Talisay City College, nga ang ika-43 nga kasumaran sa pagkamatay ni Benigno “Ninoy” Aquino, sa Agusto 21, dili lamang paghinumdom sa iyang pagkapanaw, apan nahimo kini nga simbolo sa katawhang Pilipino nga makig-batok sa diktador nga gobyerno sa panahon ni Former Pres. Ferdinand Marcos Sr.
Sigon niini nga ang mga notadong mga pamulong ni “Ninoy” nagpabiling anaa sa huna-huna sa mga tawo hilabi na sa modernong panahon, dugang usab niini nga ang pamulong nga “Filipinos are worth dying for” nga gikan mismo sa kanhi Senador, dili kinahanglang pakamatyan ang pagbarug sa Prinsipyo.
Apan, mahitungod kini sa ka lawom sa pagsabut sa mga Pilipino diin ang serbisyo publiko ug ang padayung pag-unong alang sa katawhan maoy tiunay nga kahulogan niini.
Gihimug-atan ni Tabernero, nga ang paghinumdom sa kamatayon ni “Ninoy” Aquino nagsilbing leskyon sa mga katawhan, hilabi na sa natad sa pangagamhanan ug ang tukma nga desisyon nga mag-kat-on sa mga panghitabo nga nasinati sa Pilipinas.
Dugang niini, nga ang paghinumdom sa mga panghitabo sa panahon sa diktador ug pagkamatay ni Aquino, dili angay nga mag-aghat sa pagtanom ug dumot, Inay isipon kining bili alang sa mga umaabot nga henerasyon.
Sigon usab niini nga mahinungdanon, ang pagsusi sa kamatouran hilabi na sa hisgutanan sa history gumiikan kay posible kining mahimong ekipo o basehan sa pagpili sa mga angayang leader sa umaabot nga panahon.
