Misaka na sa kapin 2,500 ang namatay tungod sa Ebola outbreak sa Democratic Republic of Congo (DRC), samtang paspas nga nagpadayon ang pagkaylap sa sakit sa usa ka lugar nga mas dako pa sa France.
Matud ni Julien Harneis, UN Ebola coordinator, nabug-atan na ang mga operasyon sa pagtubag tungod sa paspas nga paglapad sa outbreak.
Nanawagan siya og dugang nga pondo, nga posibleng mahurot sulod sa pipila ka semana.
Kini na ang ika-17 nga Ebola outbreak sa DRC ug nalabwan na niini ang 2018–2020 outbreak sa gidaghanon sa mga kaso.
Gipahinabo kini sa Bundibugyo virus, diin wala pay aprobado nga bakuna o espesipikong tambal.
Apektado usab ang mga health worker, diin 160 ang nataptan ug 43 ang namatay.
Sa miaging unom ka bulan, kapin 260 ka pag-atake batok sa mga health worker ang natala, lakip ang mga pag-atake sa ambulansya ug mga pasilidad sa panglawas.
Gipasamot pa ang krisis sa misinformation, pagkunhod sa humanitarian aid, ug mga problema sa pagbayad sa mga personnel nga nagtabang sa response.
Nanawagan ang UN alang sa dugang nga suporta aron mapalig-on ang medical response ug mapugngan ang padayon nga pagkaylap sa Ebola.
