Nagpahigayon ang Cebu City Disaster Risk Reduction and Management Council (CCDRRMC) sa ika-9 nga Regular nga panagtigom aron hisgutan ang mga importanteng pagpangandam sa kalamidad ug mga lakang sa pagpakunhod sa risgo sa dakbayan.
Lakip sa mga butang nga gisugyot nga agenda sa konseho mao ang mga update sa kondisyon sa panahon ug ang sitwasyon sa El Niño, suplay sa tubig, ug ang pag-apruba sa mga contingency plan nga naglangkob sa mga dagkong peligro sama sa linog, bagyo, baha, pagdahili sa yuta nga gipahinabo sa ulan, ug sunog.
Gihisgutan usab sa konseho ang Probabilistic Seismic Hazard and Risk Assessment (PSHRA) sa Pilipinas sa Philippine Institute of Volcanology and Seismology (PHIVOLCS), ingon man ang pagpalit og mga dummies alang sa Basic Life Support (BLS) training ug automated external defibrillator (AED) training.
Apil usab sa miting ang hangyo gikan sa Munisipyo sa Glan alang sa pinansyal nga tabang sa mga konstituwente nga naapektuhan sa magnitude 7.8 nga linog. Nahisgutan usab ang mga serbisyo sa konsultasyon alang sa Local Climate Change Action Plan (LCCAP) nga ibayad sa mga pundo sa kalamidad, uban sa koordinasyon sa Cebu City Environment and Natural Resources Office (CCENRO).
Kini nga mga panagtigom kay nagpakita sa mga paningkamot sa siyudad sa pagpalig-on sa pagpangandam, pagpauswag sa mga kapabilidad sa pagtubag sa kalamidad, ug pagsulbad sa mga peligro nga nakaapekto sa mga komunidad sa tibuok Dakbayan sa Sugbo.
