Gipadayag ni Atty. Rameses Victorius Gatchalian Villagonzalo, usa ka Sugboanong abogado nga accredited sa International Criminal Court (ICC), ang iyang obserbasyon atol sa ika-28 nga adlaw sa nagpadayon nga impeachment trial batok kang Bise Presidente Sara Duterte.
Gipunting ug gipasiugda ni Atty. Villagonzalo ang mga nakit-ang sayop o iregularidad sa SALN sa ikaduhang labing taas nga opisyal sa nasud. Matod sa abogado, gilakip sa Bise Presidente ang usa ka korporasyon sa iyang SALN, apan sa pagsusi sa mga rekord sa Securities and Exchange Commission (SEC), walay nakita nga bisan unsang ngalan nga nalambigit niini.
Gipasidan-an sa abogado nga kining maong sitwasyon mahimong magpakita og dakong posibilidad sa sayop o legal nga problema. Bisan pa kung wala kini tuyoa o wala mamatikdi sa opisyal, mahimo gihapon kining ikonsiderar nga paglapas sa balaod.
Dugang pa sa abogado, mahimong magpasaka og reklamo o kasomg perjury. Sa legal nga panglantaw, ang maong aksyon mahimong magpasabot nga siya ang tag-iya o nagkontrol sa korporasyon tungod sa iyang koneksyon niini.
Busa, sa ika-28 nga adlaw sa pagdungog, basi sa obserbasyon ni Atty. Villagonzalo, ang mga ebidensya kay pabor gihapon sa prosekusyon alang sa kaso nahimong mas lig-on ug makapakombinsir.
