Nagtala og kasaysayan ang usa ka 6-anyos nga batang babaye gikan sa China human niya mabugto ang 3x3x3 Rubik’s Cube women’s world record sa makaduha ka higayon sulod lang sa tulo ka adlaw sa kompetisyon sa World Cube Association.
Si Lian Yunzhi ang bugtong babaye nga cuber sa tibuok kalibotan nga nakatala og average nga 4.5 ka segundo, diin una niyang nakab-ot ang mga rekord nga 4.52 ka segundo ug 4.27 ka segundo sa mga kompetisyon nga gihimo sa Wuhan ug Guangzhou, China.
Ang maong bata nga lumad nga gikan sa lalawigan sa Sichuan nakatuon ug nakamaster sa gibana-banang 1,300 ka mga algorithm sa pag-solve sa Rubik’s Cube pinaagi sa pagbansay sa iyang kaugalingon.
Sumala sa mga report, naggugol kini og duha hangtod tulo ka oras matag adlaw sa nakalabay nga mga tuig aron lang mapaayo ug mapaspasan ang iyang pagresolba sa maong puzzle.
