Gipasabot ni Atty. Rameses Victorius Gatchalian Villagonzalo, usa ka , ang daw pagsagop sa Senado sa baruganan nga gihuptan sa tulo ka Chief Justice mahitungod sa proseso sa pagbotar.
Matod ni Atty. Villagonzalo, gidawat sa mayoriya partikular na ang 13 sa 20 ka mga senador nga presente nga panglantaw.
Tungod niini, mahimong mausab ang basehan alang sa “two-thirds” nga ihap; imbes nga gamiton ang kinatibuk-ang gidaghanon nga 24 ka senador ug ang kalkulasyon i-base na sa 20 ka senador nga aktuwal nga present.
Ubos niini nga kalkulasyon, ang two-thirds sa 20 katumbas sa 13.33. Ingon man nga dugang niya nga bisan pa man og adunay balido nga argumento ang habig sa depensa sa pag-insistir nga ang gikinahanglang ihap kinahanglan nga permanente nga 16, ang baruganan sa mayoriya sa mga senador maoy sa katapusan nga nasunod.
Gipunting usab ni Villagonzalo, ang mga nakit-ang iregularidad ug kasaypanan sa Statement of Assets, Liabilities, and Net Worth (SALN) sa Bise Presidente.
Diin gilakip sa Bise Presidente ang maong korporasyon sa iyang SALN, apan wala kini makita sa mga rekord sa Securities and Exchange Commission (SEC). Bisan pa og lagmit walay daotang tuyo ang maong lihok, giisip gihapon kini nga paglapas sa balaod—partikular na sa probisyon mahitungod sa pagpamakak ubos sa panumpa.
