Hingpit na nga gi-postpone sa Commission on Elections Central Visayas, ang pagpahigayon og mga kalihokan nga may kalabotan ang 2026 Barangay and Sangguniang Kabataan Elections, niadtong Biyernes Setyembre 25, 2026.
Kini human nga gipirmahan na ni President Ferdinand Marcos Jr. ang balaudnon nga 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟭𝟮𝟯𝟮𝟲, nga naghatag og lugway sa BSKE ngadto na sa 2028.
Matud ni Atty. Francisco Pobe, ang Regional Director sa Comelec-7 nga nakadawat siya ug direktiba gikan sa central office sa pagpahunong sa tanan nga operasyon may kalabotan sa election sa Barangay, lakip niini ang filing sa Certificate of Candidacy nga nakatakda unta sa Setyembre 28, 2026.
Gilibkas nasab ang tanan nga mga pagdili, sama sa election ban, hilabi na hisgutanan sa pag-apod apud og mga hinabang alang sa kadtong mga nagkinahanglan nga nabiktima sa bisan unsang kalamidad.
Giundang na usab ang pagdeliver sa mga nagkadaiyang election ballots ug dokumento nga mamahimong magamit sa election, lakip na ang tanan nga mga ekipos maykalabot niini.
Giangkon ni Atty. Pobe, nga nasayangan siya sa mga lakang nga gipatuman sa Comelec gumikan kay hingpit nang andam ang buhatan sa mismong election, apan iyang gidugang nga hingpit na kining na pirmahan hinungdan nga wala silay mabuhat kun dili tumanon ang bag-ong gipirmahan nga balaod.
