Makadawat og dugang P42 sa ilang inadlaw nga sweldo ang mga mamumuo sa Central Visayas sugod sa Oktubre 14.
Kini ang gipadayag sa Department of Labor and Employment (DOLE), ubos sa pagpanguna ni Secretary Francis Tolentino, ang pag-uyon sa National Wages and Productivity Commission (NWPC) sa bag-ong wage order gikan sa Regional Tripartite Wages and Productivity Board (RTWPB) sa Region 7.
Diin ang mga probinsya sa Cebu ug Bohol, uban sa ubang mga probinsya sa rehiyon, makasinati sa pagsaka sa minimum nga sweldo sa mga trabahante og P42, 15 ka adlaw human sa opisyal nga pagmantala sa maong mando.
Kalabot niini, gi-aprobahan usab sa NWPC ang desisyon sa Wage Board nga usbon o ipataas ang minimumwage alang sa mga trabahante sa panimalay o domestic workers sa Central Visayas.
Kini ang unang higayon nga nagtagbo sa Cebu ang tanang mga commissioner sa NWPC.
Gipahayag usab sa kalihim sa DOLE nga kining lakang alang sa mga trabahante sa panimalay ug ang pagtabang sa mga trabahante nga ubos og kita nga nag-gikan sa ilang katungdanan ug tinguha nga matubag ang mga panginahanglan sa mga pamilya sa rehiyon.
