Gibutyag atol sa impeachment trial ni Bise Presidente Sara Duterte nga adunay kinatibuk-ang 51 ka mga armas nga nakarehistro sa ngalan sa Bise Presidente ug sa iyang bana nga si Manases Carpio, lakip na ang mga automatic rifle.
Sumala sa mga rekord sa Philippine National Police, 22 ka armas ang nakarehistro kang Duterte ug 29 kang Carpio, lakip na ang upat ka “Class A light weapons” nga makahimo og “fully automatic fire.”
Gipahayag sa PNP Firearms and Explosives Office nga ang kasamtangang bili niini nga mga armas sa market value molapas sa 7.2 ka milyon ka pesos.
Apan, gipadayon sa habig sa depensa ang baruganan nga kini nga kantidad gibase sa kasamtangang presyo sa merkado ug dili sa aktuwal nga presyo sa pagpalit nga gibayad sa magtiayon.
Kini nga mga rekord gipresentar isip kabahin sa kaso kalabot sa giingong unexplained wealth sa Bise Presidente.
