Qatar, nagpadayon sa paningkamot nga masulbad ang panagbangi sa Iran ug US

Gipahayag sa Qatar nga nagpadayon ang mga paningkamot aron masulbad ang panagbangi tali sa Iran ug Estados Unidos.

Matod ni Qatari Foreign Ministry spokesman Majed al-Ansari, daghan na ang naapektuhan sa maong panagbangi.

Lakip sa iyang gihisgutan ang suplay sa enerhiya, seguridad sa pagkaon, industriya, ug global supply chains nga nakasinati og dakong epekto tungod sa panagbangi.

Gipasidaan usab niya nga importante alang sa mga opisyal sa Iran ang paghimo og dinaliang mga desisyon aron malikayan ang dugang nga epekto sa maong panagbangi sa ubang mga nasod.

Gipasalig ni Al-Ansari nga naghimo og mga lakang ang Qatar aron makab-ot ang diplomatikong solusyon, lakip na ang pagpasig-uli sa kagawasan sa paglawig sa Strait of Hormuz.