Masaligon si Philippine Olympic Committee President Abraham “Bambol” Tolentino nga malabwan sa mga atleta sa nasod ang upat ka gold medal nga nakuha sa miaging Asian Games.
Hilabi na nga aduna pa’y mga atleta nga gikatakdang mokompetensya.
Lakip kanila ang Filipino boxer nga si Carlo Paalam, nga mokompetensya sa 55-kilogram division, ug ang tennis star nga si Alex Eala.
Apil usab sa mga kompetisyon ang mga representante sa nasod sa beach volleyball nga sila si Sofiah Pagara ug Khy Progelia, kinsa nakaabot na sa semifinals.
Karong adlawa, ang mga representante sa nasod sa archery ug jiu-jitsu mokompetensya usab sa quarterfinals.
Ang mga atleta nga nagrepresentar sa nasod sa golf, wrestling, volleyball, beach volleyball, taekwondo, sepak takraw, judo, ug padel nakaabante usab sa ikaduhang hugna.
