VP Sara Duterte, mihangyo sa affidavit ni Gracioso sa dili pa kini moatubang sa NBI

Mihangyo ang kampo ni Vice President Sara Duterte og kopya sa sinumpaang pahayag ug mga dokumentong nagpaluyo sa mga alegasyon ni kanhi pulis Rodulfo Gracioso Jr. batok sa pamilyang Duterte.

Sa usa ka sulat, namatikdan sa abogado ni Duterte nga wala gilakip sa imbitasyon sa NBI ang kopya sa affidavit ni Gracioso.

Matod sa kampo, kinahanglan una nilang masusi ang mga dokumento aron maandam ang ilang tubag sa mga alegasyon.

An Bise Presidente, gikatakda unta nga motambong sa NBI karong Oktubre 5, apan mihangyo ang iyang kampo nga ibalhin kini sa Oktubre 8 aron hatagan sila og igong panahon sa pagtuon sa mga dokumento.

Giingong nalambigit sa mga alegasyon ni Gracioso ang paghatod og mga maleta nga puno sa kwarta ngadto sa pamilyang Duterte.