Pormal nga gibasura sa prosecution panel sa Kamara ang kasong bribery batok kang Bise Presidente Sara Duterte aron mapadali ang impeachment trial. Gikumpirmar kini ni House prosecutor ug Manila Representative Joel Chua.
Gipadayag ni Chua nga ang desisyon gihimo sa miaging semana, human gitangtang isip saksi si kanhi Senador Antonio Trillanes, ug nagtuo ang prosecution nga igo na ang mga ebidensya nga gipresentar alang sa laing tulo ka mga kasong impeachment, busa dili na kinahanglan nga ipadayon ang Article III, o ang kasong bribery.
Gilauman usab nga ipadayon sa prosecution ang pagpresentar sa mga saksi ug dokumento kalabot sa Article II, lakip na ang mga isyu bahin sa giingong dili masaysay nga bahandi ni Duterte.
Hinuon, gilimod ni Chua nga ang pagbasura sa kasong bribery nagpasabot nga kulang ang ebidensya inay, gipadayag niya nga mas gusto sa prosecution nga mahuman ang pagdungog sulod ning tuiga.
Sa pikas bahin, gihimakak ni Senador Sherwin Gatchalian nga gibabagan ni Francis “Chiz” Escudero ang presiding officer sa impeachment court sa Senado si kanhi Senador Antonio Trillanes IV sa paghatag og testimonya sa impeachment trial ni Bise Presidente Sara Duterte.
Matod ni Gatchalian, ang desisyon kung mag-isyu ba og subpoena ngadto kang Trillanes wala gihimo ni Escudero nga mag-inusara, tungod kay gikonsulta una kini ngadto sa mga senator-judges sa impeachment court.
Gipasabot niya nga adunay mga mahinungdanong isyu sa impeachment trial nga gihisgutan ug gikonsulta ni Escudero ngadto sa mga senator-judge sa dili pa siya magpagawas og desisyon o mando.
Apil niini ang bahin sa paghatag og testimonya ni Trillanes diin usa siya sa mga saksi nga gilakip sa prosekusyon sa ilang manifestation kalabot sa Article II, nga naghisgot sa mga alegasyon sa bahandi nga dili matino ang gigikanan (unexplained wealth).
TAGS Antonio Trillanes IV Impeachment trial against VP Sara Duterte Presiding Officer Francis Escudero Senate Impeachment Court Senate President Sherwin Gatchalian
