Nagpabilin nga lig-on ug walay pagkabawas ang kabug-at sa mga dokumento sa Anti-Money Laundering Council (AMLAC) nga nagpakita sa billones nga pundo nga nisulod ug nigawas sa bank accounts sa mag-asawang Duterte ug mga paryente ni Vice President Sara Duterte, sumala ni Atty. Rameses Victorius Gatchalian Villagonzalo, usa ka ICC Accredited Lawyer.
Gipahayag ni Villagonzalo nga human sa pagtapos sa testimonya ni Atty. Buenaventura sa nagpadayon nag impeachment trial gahapong adlawa, naestablisar gayud sa prosecution ang minilyon ug bilyones pesos nga mga transaksiyon sa mga account sa pamilyang Duterte.
Gipasabot sa abogado nga ang wala na-overcome o napakgang sa defense team mao ang pagkwestiyon sa pagka-genuine o kabuhatan sa maong mga dokumento ug bank records.
Matud niya, kanunay nga nangutana ang defense bahin sa mga legal ug technicality, apan wala gayud nila gipangutana ang saksi kon peke ba, gihimo-himo ra ba, o gikuha ra ba sa hangin ang maong mga dokumento sa bangko.
Bisan pa man og giangkon ni Villagonzalo nga normal lang sa defense nga mogamit og mga teknikal nga pangutana ug mangita og mga pamaagi sa pagtubag nga wala nalakip sa subpoena o direct examination, ang pinaka-bottom line mao nga wala gihapon naguba sa defense ang katarungan ug kabug-at sa mga dokumento nga gipresentar sa impeachment court pinaagi sa testimonya ni Atty. Buenaventura.
