-- ADVERTISEMENT --
Makigsangka ang Pinay tennis star nga si Alex Eala sa French player nga si Diane Parry sa unang hugna sa 2026 Ningbo Open.
Gipahibalo na sa mga organizer ang matchups sa unang hugna sa torneyo, diin gikatakdang magsugod ang main draw karong Lunes.
Kini ang unang higayon nga mag-atubangay sila Eala ug Parry sa usa ka torneyo sa Women’s Tennis Association (WTA).
Pareho usab nga nakadaog og titulo sa WTA ang duha ka magdudula karong tuiga.
Nakuha ni Eala ang titulo sa DC Open, samtang si Parry midaog sa Monterrey atol sa North American swing nga nag-una sa 2026 US Open.
-- ADVERTISEMENT --
