Wala na maka-abante pa si Filipina tennis star Alexandra “Alex” Eala sa Round of 16 sa Ningbo Open human gipildi sa world No. 13 nga si Diana Shnaider sa skor nga 7-5, 6-4, nga gipahigayon sa China.
Bisan pa sa lig-on nga pagpakigbisog, wala makapadayon si Eala sa sunod nga hugna sa torneyo human sa duol nga panagsangka batok sa Russian tennis player.
Sa unang set, nakabintaha si Eala sa iskor nga 4-3, apan nakadaog si Shnaider sa sunod nga duha ka duwa aron moduol sa pagkuha sa set.
Nakabawi si Eala aron itabla ang iskor, apan gikuha ni Shnaider ang sunod nga duha ka duwa aron modaog sa unang set, 7-5. Sa ikaduhang set, nag-ilis-ilis og daog ang duha ka player ug nakaabot sa tabla nga 4-4.
Apan sa importanteng bahin sa duwa, wala na gihatagan pa og higayon ni Shnaider si Eala og gi-selyohan ang maong torneo sa 6-4 nga nakapa-uswag niini ngadto sa quarterfinals
