Wala pay kumpirmasyon gikan sa China kung motambong ba kini sa *20th ASEAN Defence Ministers Meeting o ADMM* nga pagahimuon sa Lapu-Lapu City, Cebu, sugod karong adlawa, Oktubre 28, hangtod Oktubre 29, 2026.
Sumala ni Department of National Defense Assistant Secretary Arsenio R. Andolong, ang ADMM mao ang pinakataas nga defense consultative ug cooperative mechanism sa ASEAN.
Lakip sa mitambong sa ADMM-Plus ang walo ka dialogue partners sa ASEAN—Australia, China, India, Japan, New Zealand, South Korea, Russia ug United States.
Karong tuiga, ang Pilipinas maoy nagkupot sa chairmanship sa 20th ADMM ug 13th ADMM-Plus, nga pagapangulohan ni Defense Secretary Gilberto C. Teodoro Jr.
Ang tema sa Philippine chairship mao ang “Navigating Our Future Together.”
Gilauman usab ang mga pormal nga defense ministers’ meetings sa Japan ug United States, ingon man mga bilateral ug unilateral engagements sa sidelines.
Matud sa DND, ang mga proposed joint statements ug ubang outcome documents ipailalom pa sa finalization ug consensus sa mga partisipante.
Sa Huwebes, Oktubre 29, pormal nang itugyan usab sa Pilipinas ngadto sa Singapore ang chairmanship sa ADMM ug ADMM-Plus.
Ang maong mga tigom nagtumong sa pagpalig-on sa regional partnerships, sustainable dialogue ug practical defense cooperation alang sa malinawon, luwas ug stable nga Indo-Pacific region.
