Kumpirmadong usa ka Pilipino ang naangol sa usa ka insidente sa pagbangga sa duha ka paspas nga train duol sa Urda, Toledo, sa Spain niadtong Miyerkules, Oktubre 28.
Kini gipahibalo sa Philippine Embassy sa Madrid, Spain, pipila ka oras human sa maong panghitabo.
““As of this time, we have verified information of one (1) Filipino national who sustained a minor injury and was brought to a hospital for medical attention,” matod sa embahada.
Dugang pa sa embahada nga nakig-alayon sila karon sa mga awtoridad ug sa mga nagdumala sa tren aron masuta kung aduna pa bay ubang mga Pilipino nga naapektuhan sa maong trahedya.
“Following the train collision near Urda, Toledo on Oct. 28, 2026, the Philippine Embassy in Spain requests the public to report any information regarding Filipino nationals who may have been involved in the incident. The information collected will be used strictly to coordinate with local Spanish authorities and provide immediate assistance,” pahayag sa embahada.
Samtang, ang ihap sa mga namatay sa maong insidente miabot na sa 68, samtang kapin sa 100 pa ang gitaho nga naangol.
Matod ni Prime Minister Pedro Sanchez, magdeklarar ang Spain og tulo ka adlaw nga pagbangotan human sa ikaduhang insidente sa pagbangga sa mga high-speed nga tren sa nasod karong tuiga, nga mikalas sa kinabuhi sa labing menos 68 ka tawo.
