CEBU CITY — Arun nga malikayan ang pagkuyanap sa COVID-19 ilabi na sa pagsa-ulog sa Sinulog 2021, gisugyot ni Cebu South District Representative Rodrigo “Bebot” Abellanosa nga himuon nalang virtual ang pipila ka aktibidad sa Sinulog Grand Parade sa sunod tuig.
Gilangkuban kining mga aktibidad sama sa Sinulog Idol, Sinulog Queen, ug mga Out-of-town contingent.
Ilabi na sa mga kalihukan nga naka-agni og daghan tawo nga magtapok.
Kung mahinumdoman, nagpagagawas kagahapon ang Cebu City Government, Basilica Minore del Sto. Niño de Cebu, ug mga Inter-Agency Task Force (IATF) kabahin sa pag-postpone sa pipila ka aktibidad sa Fiesta Señor 2021.
Isip palikay na usab kini sa pagkuyanap sa COVID-19 sa syudad sa Sugbo ug sa Central Visayas.
Kung diin kining duha ka dagkung kalihukan kay makatapok og tawo dili lang mga lokal kungdi apil na niini ang mga langyaw ug mga turista. (EKP)
