CEBU CITY– Luwas ug padayon nga gimonitor ang kondisyon sa abogada nga si Sarah Cabrera-Calipayan, 33 anyos human kini nga nareport nga missing sukad kagabii sa iyang bana nga si Jamaal James Calipayan.
Una niini,nagpost ug nagpakitabang sa social media si Jamaal sa dihang 4 ka oras na nga missing ang iyang asawa.Pagsaysay pa ni Jamaal nga pasado alas 11 sa gabii sa dihang nagkontakay pa sila ug miingon ang iyang asawa nga pauli na kini. Apan miabot nalang ang kaadlawon wala pa gihapon nauli ang abogada ug dili na usab kini makontak.
Tungod niini gi-adto usab ni Jamaal ang gitrabaho-an sa iyang asawa ug nasuta niya nga pasado palang alas 6 sa gabii kini mi gawas. Pipila ka oras ang nakalabay, nakaplagan ang sakyanan sa abogada nga naparking sa Banilad Town Center apan wala kini sakay. Pila ka minuto ang nakalabay nahibaw-an nga micheck -in ang abogado dool sa usa ka hotel.
Matud ni PChief Insp. Maria Theresa Macatangay ang hepe sa PS 2 atol sa iyang pag-interview ni Sarah nga kini dunay gihambin nga depression, ug nakadisidir kini nga magapakahubog ug dili muuli tungod sa problema nga gihambin niini.Nasayran nga dunay conflict si Sarah sa iyang gitrabaho-an nga companya isip legal officer.
Nunot niini, gikonsiderar na kinisa PNP nga case closed sanglit anxiety matud pa ang hinundgdan sa pagkawala, ang importante lang matud pa nga luwas kini og nakabalik na.
