CEBU CITY – Mipasaka na og kaso ang 24 anyos nga sekretarya nga matud pa gihinol ang iyang paa sa usa ka abogado.
Kaso nga act of lasciviousness ang kaso nga gipasaka sa maong sekretarya diin gi-ubanan kini sa iyang amo nga si Jessa Fullozos sa piskal sa Cebu City aron sa pagfile sa maong kaso.
Paaboton nalang matud pa nila ang resulta para na usab sa sunod nga lakang nga ilang buhaton.
Kahinumduman nga sa mga nakalabay nga adlaw gi-reklamo sa maong sekretarya ang usa ka abogado human nga gisugo kini sa iyang amo nga si Fullozos nga kuhaon ang cheke sa opisina sa abogado para sa surety bond.
Didto matud pa giingong gihikap sa abogado ang kamot sa sekretarya ug gihinol ang iyang paa padulong sa pribado nga parte sa iyang lawas.
Nasuta usab nga gihagad pa kini nga pa-eskwelahon kung musugot nga magdate sila.
