Cebu City-Nakabsan gayud sa iyahang kinabuhi si Atty Jonnah John Ungab human kini ang gibanhigan sa wa pa mailhing suspetsado sa Sergio Osmeña Street, North Reclamation Area Cebu City ganihang alas 11:50 ang takna sa udto.
Alas dos karong hapon sa dihang gideklarea ng patay sa mga doktor sa Chong Hua Medical Center si Atty Ungab. Una niini mitambong ug hearing si Atty Ungab sa promulgation sa iyahang kliyente nga si self confessed drug distributor Kerwin Espinosa sa RTC Branch 19 sa kaso niini nga illegal possession of firearms niadto pang 2010.
Gidismiss sa korte ang kaso batok ni Espinosa. Nakagawas lamang sa Quimonda building si Ungab kuyug ang iyahang asawa sakay sa ilang sakyanan sa dihang gipusil kini sa wa mailhing lalaki. Dali usab nga misakay sa motorsiklo ang suspek nga naag-atang na daan dayon ikyas sa lugar.
Duha ka iyahang ulo maoy gitumbok nga hinugdan sa kamatayon sa abogado. Wala man usab maunsa ang iyahang asawa nga kuyug niini niadtong higayuna.
Nasayran nga sa wala pa mahitabo ang insidente nahinabi pa sa Bombo Radyo Cebu si Atty Ungab kabahin sa update sa kao ni Kerwin Espinosa.
Si Atty Ungab ang kasamtangan usab nga bise mayor sa lungsod sa Ronda. Padayon pa ang gihimong imbestigasyon karon sa kaso.
