CEBU CITY- Gipusil sa duha ka wa mailhing mamumuno ang usa ka abogado sulod mismo sa kaugalingong panimalay lakip na ang asawa niini sa Singson Village, Barangay Guadalupe sa dakbayan sa Sugbo.
Giila ang mga biktima nga sila si Atty. Salavador Sulima og asawa niini nga si Verus Lim Sulima.
Gikataho nga nagpaila nga kliyente og nagdalag papeles ang duha suspect diin gi-cater ra usab ang ilang tuyo sa abogado.
Matod pa sa usa ka family friend sa mga biktima nga si alyas “Raquel “ kinsang nag-istar usab sa balay sa mga biktima niadtong mga taknaa, nga napulo ka minutos lang ang interval sa panagpulong sa suspect ug sa abogado sa wala pa kini gipusil mga biktima.
Sa dihang ni-aksyon na unta ug gawas si Atty. Sulima gikan sa balay para ihatud pagawas ang duha ka mga lalake kalit lang niining gipusil ang abogado.
Nunot niini, nabati usab niya ang ikaduhang buto kung diin nasuta nga ang asawa na usab sa maong abogado ang gipusil.
Daling gidala sa tambalan ang mga biktima apan gidiklarar nga patay na si Atty. Suliman samtang, ang asawa niini nga si Verus padayon pang nakigkumbati sa lit-ag sa kamatayon.
Sa pagkakaron, padayon pa ang imbestigasyon sa kapolisan og sa pagsuta sa mga responsable sa maong krimen.
