Gipahibalo sa kanhi bokalista sa banda nga Moonstar 88 nga si Acel Bisa nga sa Netherlands na siya mopuyo sunod tuig.
Sa iyang social media account, gipaambit niini nga siya ug ang iyang pamilya nakahukom sa maong desisyon alang sa bag-ong kinabuhi.
Sa samang higayon, aduna siyay farewell show sa dili pa siya molarga sa nasod.
Gidasig sa 48-anyos nga singer ang iyang fans nga motan-aw sa iyang final concert karong Oktubre 11 sa Greenhills, San Juan.
Gikan sa 1999 hangtod 2004 nahimo siyang lead vocalist sa Moonstar88 diin gipagawas nila ang duha ka studio album kauban niya ang “Popcorn” kaniadtong 2001 ug “Press to Play” kaniadtong 2002.
Pipila sa mga kanta nga gipasikat sa grupo mao ang “Torete”, “Sulat”, “Sa Langit” ug uban pa, ingon man tuig 2007, gipagawas niya ang iyang solo album nga “Silver Lining”.
