CEBU CITY – Gitino ni Armed Forces of the Philippines (AFP) Chief of Staff, Gen. Carlito Galvez nga augmentation lamang ang mga sakop sa AFP sa Bureau of Customs ug dili ingon nga sila gayud ang magdumala niini.
Matud ni Galvez nga naa sa 600 ka mga areas ang andam nga pun-an sa AFP ug PCG.
Gipasabot niini nga ang BoC ang kuwang sa intelligence component, hinungdan nga diha musulod ang AFP nga maoy mutabang isip intelligence support, technical support, counter intelligence, ug uban pang mga assets nga mahimong makatabang aron masugpo ang korapsyon sa maong buhatan.
I-deputize matud pa ang mga AFP personnel sa nagkadaiyang BoC districts aron sa pagtabang sa mga personahe sa maong buhatan.
Sa tabang matud pa sa mga kahimanan sa AFP dakong tabang kini sa ilang pagtumbok sa mga tigpalusot sa mga kontrabando hilabi na ang iligal nga drogas.
