Namatikdan sa sakop sa Armed Forces of the Philippines (AFP) ang dugang presensya sa mga barko sa China, lakip na ang mga rubber boat nga adunay crew-served weapons sa Ayungin Shoal sa West Philippine Sea (WPS) , diin karon, gibantayan sa BRP Sierra Madre (LS-57).
Sa pamahayag nga giluwat sa AFP kagahapong adlawa, ang pagtaas ug sagunson nga presensya na oberbahan nila kaniadto pang Agosto 20 pinaagi sa mga kalihokan sa pagmonitor sa maritime domain awareness (MDA).
Dugang pa, adunay lima ka mga CCG (Chinese Coast Guard) nga mga barko ang anaa sa kinatibuk-an, ug gisuportahan sa 11 ka RHIBs (rigid-hull inflatable boat)/fast boat ug siyam ka Chinese maritime militia vessels. Samtang ang aerial assets usab gimonitor atol sa deployment, lakip ang usa ka rotary aircraft ug usa ka unmanned aerial vehicle.
Ubay-ubay sa mga fast boat sa CCG ang naobserbahan usab nga gi-upgrade nga adunay gitaod nga mga hinagiban, lakip ang bug-at nga mga hinagiban nga giserbisyuhan sa mga tripulante.
Dugang pa, ang mga barko sa CCG nakit-an pa nga nagpahigayon og maniobra og mga drills nga adunay kalambigitan sa paggamit og cannon waters, samtang ang ubay-ubay nga gagmay nga mga barko, sama sa mga rigid-hulled inflatable boat ug mga fast boat, gipakatap usab sa sulod sa shoal.
Busa, pamulong sa AFP nga padayon ang ilahang agmonitor sa mga kalamboan sa WPS.
