CEBU CITY-Duna matud pa’y peace talk o wala , hugot gihapon ang pagbantay batok sa insurgency ug ingon man pagsuporta sa Armed Forces of the Philippines (AFP) sa presidente.
Kini human usab gi-resume ni Presidente Rodrigo Duterte ang peace talk tali sa communist party kung diin makigmeeting pa kini kang Nur Misuari.
Matud ni Captain Joe Patrick Martinez ang Deputy Commander sa 3rd Civil Relation Group sa Central Command Visayas sa dihang nahinabi sa Bombo Radyo Cebu, nga kanunay silang naka-alerto ug mukuyog sa presidente kung hisgutanan na sa nasudnong kalinaw.
Bisan paman matud pa ug kapila na nga higayon nga mag-usob-usob ang statement ni Duterte, duna gihapon kini balido nga rason kung ngano nga gibalik niini ang peace talk.
Gitataw pa ni Martinez nga kinahanglan usab kining tutukan ug estudyuhan alang lamang sa kalinaw sa Pilipinas. Mas maayo gyud matud pa nga dunay consensus nga maakab-ot aron nga dali nga maangkon ang gipangandoy kalinaw.
Gisiguro usab ni Martinez nga dili kini mamahimong hulga, gumikan kay walay hunong sa pagka-alerto ang AFP . Ug kung kahadlokan ang nahitabo sa una nga mga bombing incident nga gi-link usab sa pagpsung sa hisgutanan sa kalinaw, gitataw ni Martinez, nga pinaagi sa ilang mga pagpangandam wala nay mga dugoon nga insidente’ng subling mahitabo.
