Nagtuo ang magtiayong Pranses nga nailad kini sa usa ka local antiques dealer human nga ang US$157 o P8,901.66 nga African mask nga ilang nakit-an sa ilang karaang balay, nabaligya sa usa ka auction nga nagpanikad nga US $ 4.4 milyon o anaa sa P249.47 milyon.
Gani, mipasaka og kaso ang magtiayon gumikan kusganon nilang gibarugan nga giilad sila sa dealer apan, sa migawas nga apelar daw adunay lig-on nga sukaranan sa prinsipyo ang tigbaligya.
Sa wala pa nahitabo, nakit-an sa magtiayon ang maong maskara atol sa ilang pagpanglimpyo ug gani uban pang mga gamit nga dili na nila mapahimuslan ilang gibaligya sa usa ka garage sale ug ang maskara giduol nila sa maong antiques dealer.
Apan, pipila ka bulan ang milabay, samtang nagbasa sa mantalaan, nahibal-an sa magtiayon nga ang African mask nga ilang gibaligya kay gibaligya sa kantidad nga US $ 4.4 milyon o anaa sa P249.47 milyon sa usa ka espesyal nga subasta sa Montpellier, usa ka lungsod sa habagatang Pransiya.
Ug didto na nila nasayran nga dili usa ka ordinary ang ilang nakit-an gumikan gigamit kini sa usa ka ritwal sa African secret society
